7 гыйнварда Яңа шәһәр урман массивындагы чаңгы трассасында традицион Раштуа чаңгы ярышы узды. Ярышларда 80нән артык кеше катнашты, алар арасында тәҗрибәле чаңгычылар да, әлеге спорт төрен үз итүчеләр дә бар иде.

Хөрмәтле зәйлеләр! 10 гыйнвар, шимбә көнне, "Энергетик" мәдәният сарае каршындагы мәйданда быелгы беренче авыл хуҗалыгы ярминкәсе оештырылачак.

6 гыйнвар көнне Р.Ш. Фәрдиев исемендәге паркта "Раштуага каршы" дип исемләнгән бәйрәм программасы үткәрелде. Р.Ш. Фәрдиев исемендәге татар гимназиясе, 3нче мәктәп, 4нче мәктәп һәм балалар иҗаты йорты шәһәр халкына җырлар, биюләр, хәрәкәтчән уеннар, иҗади биремнәр кергән Раштуа алдыннан бәйрәм атмосферасы тудырган күңелле ял оештырдылар.

6 нчы гыйнварда Үзәк китапханәнең татар әдәбияты бүлегендә «Күңелле каникуллар – күңелле уеннар» дип исемләнгән танып – белү уен программасы узды. Кызыксынучанлык, активлык, эмоциональ җаваплылык, яшьтәшләр белән аралашу ысулларын үзләштерү кебек сыйфатларны үстерүгә юнәлдерелгән төрле кышкы тематик уеннар һәм конкурсларда балалар бик теләп катнашты.