Зәйдә Бөек Ватан сугышы ветераны тавыш бирде

Татарстан Республикасы Дәүләт Советына депутатлар сайлауда 101 яшьлек ветеран Анна Моисеева үз тавышын бирде. Анна Ивановна өйдә тавыш бирергә теләвен белдерде. Социаль хезмәткәр бу хакта участок сайлау комиссиясенә хәбәр итте. Комиссия әгъзалары аның өенә тавыш бирү өчен мобиль урна белән килделәр. "Мин сәяси тормышның күп этапларын күргән кеше. Мин һәрвакыт сайлауларда катнашам, үз фикеремне тавыш биреп белдерәсем килә. Мин моны киләчәк буыннар тыныч яшәсен өчен эшлим. Куркынычсызлык-иң мөһиме", - диде ветеран. Анна Моисеева фронтта 1945 елга кадәр медицина хезмәте сержанты дәрәҗәсендә хезмәт итә. Ул яралыларны бик тырышып кайгырта һәм аларны дәвалау белән шөгыльләнә, шулай ук төз атучы була. Ветеранның күкрәген күп орден һәм медальләр бизи, шул исәптән «Ворошиловский стрелок» күкрәк билгесе дә. 473 нче кыр хирургия госпитале белән Анна Моисеева Берлинга кадәр барып җитә. Аның сугышчан юлы Кенигсберг, Балтыйк буе, Орел өлкәсе, Курск дугасы, Польша һәм Германия аша уза.