Зәйдә җиденче чакырылыш Татарстан Республикасы Дәүләт Советына сайлаулар уза

Бүген, 8 сентябрь - җиденче чакырылыш Татарстан Республикасы Дәүләт Советына депутатлар сайлау көне. Зәй муниципаль районы территориясендә 61 сайлау участогы эшли. Шәһәрдә 7:00 сәгатьтән -20, район авылларында 41 сайлау участогы ачылды. Сайлау участоклары мәктәп, мәдәният йортлары, спорт учреждениеләре биналарының беренче катларында урнашкан һәм барлык кирәкле технологик җиһазлар, видеокүзәтү системалары белән җиһазландырылган. Партияләрдән күзәтүчеләр эшли, шулай ук хокук саклау, ашыгыч ярдәм органнары хезмәткәрләре кизү тора. Бүген сайлауларда беренче тапкыр 56 яшь авыл кешесе һәм 100дән артык шәһәр кешесе катнашачак. Сайлау участокларында яшь сайлаучыларга һәм беренче тавыш бирүчеләргә истәлекле бүләкләр тапшырыла. Авыл җирендә - 9 меңнән артык, шәһәрдә 28,5 меңнән артык сайлаучы яши. Шулай ук бүген Зәй муниципаль районы территориясендә ике бермандатлы сайлау округы буенча өстәмә сайлаулар уза: - Түбән Биш авыл җирлегенең 7 нче Закир Сәлимов округы буенча; - Сәвәләй авыл җирлегенең 3 нче Клуб округына. Югарыда санап үтелгән округлар сайлаучылары җирле советлар депутатларын сайлыйлар. Тавыш бирү өчен барлык участоклар 20:00 сәгатькә кадәр эшләячәк.