Зәйдә кыска вакытлы ялга кайткан хәрби хезмәткәрләр белән чираттагы очрашу узды

Бүген "Энергетик" мәдәният сараенда Зәй районы башлыгы Разиф Кәримовның кыска вакытлы ялга кайткан хәрби хезмәткәрләр – махсус хәрби операциядә катнашучылар белән чираттагы очрашуы булды. Очрашуда РФ Дәүләт Думасы депутаты А.Р. Метшин, хәрби хезмәткәрләрнең гаиләләренә ярдәм итү мәсьәләләре буенча эшче төркем әгъзалары, хәрби комиссариат вәкилләре, активистлар һәм волонтерлар, иҗтимагый берләшмәләр әгъзалары катнашты. СВО зонасында һәлак булган якташларыбызны бер минут тынлык белән искә алдылар. Район башлыгы Разиф Кәримов хәрбиләрне шәһәр һәм райондагы эшләрнең торышы, башкарылган эшләрнең барышы белән таныштырды, барлык зәйлеләр исеменнән солдатларга Ватан мәнфәгатьләрен яклаулары өчен рәхмәт белдерде, барысына да көч җыеп китеп, җиңү белән кайтуларын теләде. Очрашу бүләкләү тантанасы белән дәвам итте. Милләтара тынычлыкны һәм татулыкны ныгытуга керткән зур өлеше, махсус хәрби операциядә катнашучыларга гуманитар ярдәм җыюга һәм илтеп тапшыруга керткән өлеше, аларның гаиләләренә ярдәме өчен «Татарстан Республикасы Ветераннар берлеге» Республика ветераннар (инвалидлар) иҗтимагый оешмасы рәисенең Мактау грамотасы белән Татарстан Республикасы керәшеннәр иҗтимагый оешмасының Зәй бүлекчәсе рәисе Атласов Валентин Александрович бүләкләнде. Махсус хәрби операция сугышчыларына гуманитар ярдәм оештыруда һәм аларның гаиләләренә ярдәм күрсәткән өчен Зәй муниципаль районы Башлыгының Рәхмәт хаты белән: Абрамов Василий Николаевич, Зиннәтуллина Софья Абдулловна, Маркелова Людмила Александровна, Миронова Татьяна Вячеславовна, Пименова Резеда Нургалиевна, Радченко Любовь Яковлевна, Токранов Николай Иванович бүләкләнделәр. Очрашу башланганчы РФ Дәүләт Думасы депутаты Айдар Метшин СВО да һәлак булган Борһанов Азат Илдар улының гаиләсендә булды. Очрашу азагында ялдагыларга район хакимиятеннән күчтәнәч тапшырылды.