Зәйлеләр Татарстан Республикасы көнен һәм Шәһәр көнен билгеләп үттеләр

Чара Р.Ш. Фәрдиев исемендәге паркта узды. Зәй муниципаль районы башлыгы Разиф Гали улы Кәримов зәйлеләрне һәм район кунакларын бәйрәмнәр белән котлады һәм бүләкләү тантанасын үткәрде. Бүләкләнүчеләр арасында төрле тармак, шул исәптән мәдәният, төзелеш, массакүләм мәгълүмат чаралары вәкилләре һәм җәмәгать активистлары бар иде. Шулай ук "Хезмәт кешесе"конкурсының район этабы нәтиҗәләре игълан ителде. Бу номинациядә "Восток" агрофирмасы" ҖЧҖнең әйдәп баручы агрономы Горваль Людмила Ильинична җиңүче булды. "Предприятие (учреждение, оешманың) иң яхшы хезмәткәре" номинациясендә җиңүчеләр булып "Татэнерго" АҖ филиалы - Зәй ГРЭСЫ техник хезмәт күрсәтү цехының 6 разрядлы балта остасы Исмәгыйлев Илсур Илдус улы, Көчәнеш астында эшләү үзәгенең укыту эшләре буенча директор урынбасары Кондратенко Олег Анатольевич һәм "Техно заводы" ҖЧҖ филиалының өлкән вангранщигы Маклыгин Илья Львович танылды. Рәсми өлештән соң бәйрәм патриотик музыкаль программа белән дәвам итте. Бүгенге чара Зәй тормышында зур вакыйга булды, шәһәр халкын һәм кунакларны шатлык һәм бердәмлек атмосферасында берләштерде.