Зәйдә ишегалды бәйрәме узды

Бүген, 2024 елның 30 августы- Татарстан Республикасы көнендә, Төзүчеләр урамындагы 10нчы йортта Ишегалды бәйрәме узды, анда балалар мәйданчыклары һәм ял итү зоналары төзелешен дә кертеп, ишегалдын төзекләндерү эшләре башкарылган иде. Зәй муниципаль районы башлыгы Кәримов Разиф Гали улы "Безнең ишегалды" проектын тормышка ашыруга керткән шәхси өлеше өчен бүләкләү тантанасын уздырды. Шулай ук уку елын башлап җибәрүче беренче сыйныф укучылары да билгеләп үтелде. Бәйрәм концерт программасы һәм уеннар белән тәмамланды.