Эш тукталмый

Шикәр чөгендере алу дәвам итә. Авыл хуҗалыгы һәм азык-төлек идарәсеннән алынган мәгълүматлар буенча, 14 октябрьгә районда 4984 гектарда татлы тамыр җыелган. Бу – барлык мәйданның 58 проценты. Уңыш гектарыннан уртача 430 центнер тәшкил итә. “Зәй шикәре” агрофирмасында бу күрсәткеч – 577, “Зәй”дә – 488, “Восток”та – 330, “Нива” җаваплылыгы чикләнгән ширкәтендә 250 центнер. Шикәр заводы 422723 тонна чимал кабул иткән, шуның 253822 тоннасы эшкәртелгән. Шикәрлелек – 16,4, пычраклылык – 11,3 процент. “Зәй шикәре” заводка – 61319, “Зәй” – 52264, “Восток” агрофирмасы – 48811, “Нива” ҖЧШ 1750 тонна татлы тамыр тапшырган.