Иң оста яшь эшчеләр барланды

Соңгы елларда ил, республика җитәкчелеге тарафыннан эшче һөнәренең абруен күтәрү, аңа мөмкин кадәр күбрәк яшьләрне тартуга җитди игътибар бирелә. Әлеге максаттан безнең районда инде берничә ел рәттән яшьләр идарәсе тарафыннан уңышлы оештырылып килүче «Һөнәри осталык» бәйгесе - моның ачык мисалы. Бу бәйгедә елдан-ел күбрәк яшьләрнең катнашырга теләк белдерүе аеруча куанычлы. Быел үз осталыгын сынап караучыларның саны 50гә җитте. Бәйге елдагыча “Мефро уилз Руссия - Зәй заводы”нда үтте.