Мәктәптә виртуаль чынбарлык

VR-технологияләрнең (виртуаль чынбарлыкның) тиз үсеше белем бирү процессында чагылыш тапмый кала алмый. Бүген алар илнең барлык мәктәпләрендә дә уңышлы гамәлгә кертелә. «Мәгариф» илкүләм проекты укучыларга заманча цифрлы җиһазлар ярдәмендә белем алырга һәм күнекмәләрен камилләштерергә мөмкинлек бирде. Сәвәләй урта гомуми белем бирү мәктәбе базасында ачылган «Үсеш ноктасы» цифрлы һәм гуманитар профильләр үзәгендә яңа укыту җиһазлары урнаштырылган, алар арасында VR-күзлекләр дә бар. Виртуаль чынбарлык күзлекләре-кызыклы һәм заманча корал, ул укучыны яңа мәгълүмат үзләштерергә рухландырырга, аның кызыксынуын арттырырга сәләтле. 5-9 сыйныф укучылары «3D-модельләштерү» түгәрәгендә виртуаль чынбарлык өчен җиһазлар белән эшләү күнекмәләрен үзләштерәләр һәм виртуаль уенда үз көчләрен сынап карыйлар. "Укучыларыбыз Гыйниятуллин Артур һәм Смирнов Егор «Виртуаль сәнгать дөньясы» конкурсында катнаштылар һәм киләчәктә бу юнәлештә үсәргә планлаштыралар. Әлеге конкурста катнашу балаларга зирәклек һәм стратегик фикерләүне арттырырга, виртуаль чынбарлык шлемының эше һәм уен технологияләре турында белергә ярдәм итте", - ди Сәвәләй мәктәбенең өстәмә белем бирү педагогы Чумакова А. П. Виртуаль чынбарлык яңа белем һәм күнекмәләр алу процессы сыйфатын үзгәртә. «Үсеш ноктасы» үзәге балаларга перспективалы цифрлы технологияләрне өйрәнергә мөмкинлек бирә.