Зәйлеләрне һәм районыбыз кунакларын Питрау бәйрәменә чакыралар

Питрау бәйрәме 12 июль көнне кичке сәгать 5тә традицион төстә Кашкатау итәгендәге күркәм табигать кочагында башлана.Зәй җирендә Питрау 25 нче тапкыр үткәрелә. Анда театрлаштырылган тамаша да, республиканың танылган эстрада артистлары чыгышын да, район сәнгать әһелләре концерт номерларын да күрергә мөмкин булачак. Бәйрәм барышында «Питрау чибәре — 2024» , «Гаиләм — гомер бишегем», «Ашамлык», «Моңлы тавыш 60+», «Балалар керәшен җыруларын әйтә» бәйгеләре җиңүчеләрен тәбрикләү тантаналары да булачак. Милли уеннар, спорт ярышлары уздырыла һәм инде, әлбәттә, бәйрәм Питрау учагы белән тәмамланачак.