«Өченче яшь» пенсионерлары арасында XIV республика Спартакиадасы узды
31 майда Казанда «Өченче яшь» пенсионерлары арасында XIV республика Спартакиадасы узды. Зәй районыннан 10 спортчы катнашты. Катнашучылар 5 спорт төре буенча ярыштылар: өстәл теннисы, пуля ату, җиңел атлетика, дартс, йөзү. Команданың әзерлеген һәм тупланганлыгын ачыклау өчен оештыручылар катнаш эстафета уздырдылар. Безнең спортчылар түбәндәге нәтиҗәләрне күрсәттеләр: җиңел атлетика буенча: 3 урын Йосыпова Зәмира, 9 урын Захаров Николай; өстәл теннисы буенча 7 урын Фәния Гыйльманова, 10 урын Уразманов Марат; йөзү буенча 5 урын Мухин Борис, 10 урын Куликова Ирина; пуля ату буенча 4 урын Большакова Людмила (призлы урынга 2 очко җитми), 18 урын - Фәхриев Рөстәм; дартс буенча 19 урын Мухина Надежда, 17 урын Зиһаншин Рәшит. Ярышларда Татарстан Республикасының 43 районыннан 560 кеше катнашты.