Зәйдә "Сәләтле укытучы-сәләтле укучы» гранты бүләкләү тантанасы узды

Бүген, 1 июнь, Халыкара балаларны яклау көнендә хакимиятнең зур залында укучылар олимпиадасының Бөтенроссия һәм республика этапларында җиңүчеләрне һәм призерларны хөрмәтләү, Ринат Фәрдиев исемендәге махсус еллык премия тапшыру булды. Агымдагы елда укуда югары нәтиҗәләр күрсәткән өчен Ринат Фәрдиев исемендәге махсус еллык премия 4нче мәктәпнең 9нчы сыйныф укучысы Алава Русланага тапшырылды. 2023-2024 уку елында олимпиада хәрәкәтендә югары нәтиҗәләр өчен «Сәләтле укытучы – сәләтле укучы» район башлыгы гранты белән шәһәр һәм район мәктәпләренең 57 укучысы һәм 48 укытучысы бүләкләнде. Укучыларның әти-әниләре Зәй муниципаль районы башлыгы Разиф Гали улы Кәримовның Рәхмәт хатларын алдылар. 2023-2024 уку елында олимпиада хәрәкәтендә катнашуның югары нәтиҗәлелеге өчен күчмә кубок 6 нчы мәктәпкә һәм Түбән биш урта мәктәбенә тапшырылды. Ата-аналар, укучылар һәм мәктәп педагоглары район җитәкчелегенә һәрьяклап ярдәм иткәннәре һәм мәгариф үсешенә зур өлеш керткәннәре өчен рәхмәт белдерделәр!