Зәйдә Халыкара балаларны яклау көненә багышланган чара узды

Җәй - барлык балаларның иң яраткан вакыты. Җәй - ул ял, табигатькә походлар, пляжда күңел ачу. Бу каникуллар! Җәйнең беренче көнендә без халыкара балаларны яклау көнен билгеләп үтәбез. Бу балалар өчен күңелле бәйрәм генә түгел, шулай ук балаларның мәхәббәткә, кайгыртуга һәм даими яклауга мохтаҗ булуын искә төшерү дә. Традиция буенча «Радость» комплекслы социаль хезмәт күрсәтү үзәгенең гаиләгә һәм балаларга социаль ярдәм бүлеге белгечләре тарафыннан «Уйнарбыз, җәйне каршы алырбыз!» дигән социаль-анимация чарасы оештырылды. Бүген Р.Ш. Фәрдиев исемендәге паркка төрле категориядәге социаль хезмәтләрдән балигъ булмаганнар чакырылды. Хәйрияче - аниматор Алесия Андреева «Корифеи праздника» төркеме белән безнең балалар өчен искиткеч бәйрәм оештырдылар. Әкият геройлары яхшылык һәм күңел ачуның кабатланмас атмосферасын тудырганнар. Яшь тамашачылар уеннарда һәм эстафетада бик теләп катнаштылар, күңел ачтылар, биеделәр. Күңел ачу программасын сюрпризлы вакыйга белән тәмамладылар - балаларга шарлар тараттылар. Һава шарлары шатлык һәм күңел күтәренкелеге бирә. Алар бәйрәмне тагын да яктырак һәм истә калырлык итәләр. Бәйрәм азагында балаларны тагын бер искиткеч традиция– Зәйнең адвокатлар коллегиясеннән яраткан тәм – томнары-туңдырма белән сыйлау сөендерде. Олы дусларның төп теләге тормышка ашты-балаларның йөзләре елмаю белән яктыртылды. Бәйрәмне оештыручылар иганәчеләргә һәм хәйриячеләргә якты хисләр, балаларыбызга яхшы кәеф бүләк иткәннәре өчен зур рәхмәт белдерәләр. Шатлык, елмаю, көлү-чын бәйрәм!