Бөтенроссия эшкә урнаштыру ярминкәсе тиз арада эш табарга ярдәм итә
«Демография» милли проектына ярдәм итү өчен Бөтенроссия эшкә урнаштыру ярминкәләре оештырыла, алар ике этапта уза: төбәк һәм федераль. Бөтенроссия эшкә урнаштыру ярминкәсе «Россия эше. Мөмкинлекләр вакыты» беренче елдан ук үзен яхшы яктан күрсәтә. Ул эш эзләүчеләрне эшкә урнаштыру һәм предприятиеләр өчен кирәкле кадрлар сайлау буенча нәтиҗәле эш булып чыкты. Агымдагы елның апрелендә узган төбәк этабында 15 әйдәп баручы предприятие һәм оешма вәкилләре, Зәй районының 350дән артык кешесе катнашты. Нәтиҗәләр буенча 16 кеше эшкә урнашкан. Эшкә урнашу ярминкәсе Лилиягә дә эшкә урнашырга ярдәм итте, аның уңышлы эшкә урнашу тарихы белән сезнең белән уртаклашырга телибез. Лилия агымдагы елның апрелендә Зәй шәһәренең халыкны эш белән тәэмин итү үзәгендә исәпкә алына. Мәшгульлек үзәгенә исәпкә куелганчы, Лилия озак вакыт эшләми, бала карау буенча ялда була. Мәшгульлек үзәге белгечләре Лилияне Бөтенроссия эшкә урнаштыру ярминкәсенә чакыра. Эш бирүчеләр тәкъдим иткән вакансияләр арасында кызны Зәй муниципаль районының әйдәп баручы предприятиеләренең берсе булган Зәй шикәре предприятиесендәге вакансия кызыксындыра. Предприятиенең кадрлар хезмәте вәкиле белән беренчел әңгәмә нәтиҗәсендә Лилия кладовщик вакансиясенә анкета тутыра. Эшкә урнаштыру ярминкәсендә катнашканнан соң, ул кабат әңгәмәгә чакырыла, эш урыны белән таныша һәм уңышлы эшкә урнаша. Бөтенроссия эшкә урнашу ярминкәсе-тотрыклы тормышка юл. Бу чара эш һәм кадрларны тиз сайлап алу өчен мәйданчык булды. Ә эш эзләмәүчеләргә ул эш бирүчеләрнең сораулары белән танышырга, шәхси үсеш һәм һөнәр сайлау юлларын билгеләргә ярдәм итә.