Зәйдә "Балалар илне сүрәтли" республика конкурсының муниципаль этабына йомгак ясалды

18 нче Республика балалар рәсеме конкурсына яшь зәйлеләр төрле номинацияләрдә 40тан артык эш тәкъдим иттеләр. Партиянең Зәй бүлегендә «Балалар илне сүрәтли» 18 нче республика конкурсының муниципаль этабына йомгак ясалды. Конкурста шәһәр һәм авыл мәктәпләренең башлангыч сыйныф укучылары катнашты. Балалар сәләтләрен һәм гаилә кыйммәтләре, ватанпәрвәрлек, фәнни үсеш һәм юл хәрәкәте иминлеге кебек мөһим һәм бик катлаулы темаларны ачуда осталыкларын күрсәттеләр. Балаларга аеруча «Россия Федерациясендә Гаилә елы» номинациясе ошады. Алар үзләрен һәм якыннарын бик теләп сурәтләгәннәр. Муниципаль этапта 40тан артык яшь зәйле катнашты, 10 җиңүченең эшләре конкурсның республика этабына «Бердәм РОССИЯ» Бөтенроссия сәяси партиясенең төбәк башкарма комитетына җибәреләчәк. «Балалар илне сүрәтли» район конкурсында катнашучылар традицион рәвештә Балаларны яклау көне алдыннан дипломнар һәм бүләкләр алачаклар.