Район һәм шәһәр мәгариф учреждениеләрендә балаларны кайнар тукландыруны оештыру буенча актуаль мәсьәләләр

17 майда Р.Ш.Фәрдиев исемендәге татар гимназиясе актлар залында санитар-эпидемиологик чараларның мәҗбүри таләпләрен үтәү мәсьәләләре буенча семинар-киңәшмә узды. 2023-2024 уку елында туклануны оештыруны тикшерү нәтиҗәләренә анализ ясалды, җәйге сезонга әзерлек барышы турында фикер алыштылар. Мәгариф учреждениеләрендә санитар-эпидемиологик вәзгыять һәм туклануны оештыру мәсьәләләре буенча доклад белән Зәй районында ТР буенча Роспотребнадзор ҖЧҖ башлыгы урынбасары Нәсибуллин Ринат Миңнулла улы чыгыш ясады. Мәгариф идарәсе белгече-технолог Куянова Әлфия Вәкиф кызы 2023-2024 уку елында туклануны оештыруны тикшерү нәтиҗәләре турында сөйләде. Яр Чаллы шәһәренең «Мәктәп туклануы» ҖЧҖ лабораториясе мөдире Хаҗиева Юлия Викторовна җәйге сезонга әзерлек барышы турында сөйләде. Яшьләр эшләре идарәсе башлыгы Шәрәфиева Гүзәл Махиян кызы «Созвездие» балалар сәламәтләндерү лагерынең ачылышына әзерлек барышы белән таныштырды. Киңәшмәдә белем бирү учреждениеләренең барлык азык - төлек блогы хезмәткәрләре-җитештерү мөдирләре, аш-су осталары һәм ашханә хезмәткәрләре катнашты.