Зәйдә язгы чәчү эшләренә старт бирелде

Бүген Зәй районында район башлыгы Разиф Гали улы Кәримов, район агрофирмалары җитәкчеләре һәм белгечләре, авыл җирлекләре һәм КФХ башлыклары катнашында Зәй районы имам - мөхтәсибе Фатих хәзрәт фатихасы белән чәчү эшләренә старт бирелде. Район аграрийлары күпьеллык үләннәрне 1 ц/га исәбеннән извест селитрасы белән тукландыра башладылар, анда 2 «Барс» агрегаты җәлеп ителгән, эш «Восток» һәм «Зәй шикәре» агрофирмаларында башланган. Районда 4 «Барс» агрегаты һәм 24 «Амазон» сиптергече бар, туфрак өлгергән саен алар барысы да күпьеллык үләннәр һәм көзге культуралар чәчүлекләренә минераль ашламалар кертүгә җәлеп ителәчәк. Барлыгы 17455 гектарда көзге культураларны һәм 4413 гектарда күпьеллык үләннәрне тукландырырга кирәк була. Район башлыгы Разиф Кәримов механизаторларны язгы кыр эшләре башлану белән котлады, аларны нәтиҗәле тәмамлауга үгет-нәсихәт бирде һәм туган районыбызның киләчәге һәм иминлеге өчен хезмәттә уңышлар теләде.