Зәйлеләр «Ел хатын-кызы. Ел ир-аты: хатын-кыз карашы» республика бәйгесе зона этабы җиңүчеләре

31 гыйнварда «Энергетик» мәдәният сараенда «Ел хатын-кызы. Ел ир-аты: хатын-кыз карашы» республика бәйгесенең зона этабы узды. Әлеге конкурс 2002 елдан бирле ел саен уздырыла. Зона этабында Татарстанның сигез районыннан 39 хатын-кыз һәм 8 ир-ат катнашты. Катнашучылар төрле номинацияләрдә җиңү өчен көрәштеләр. Барлык конкурсантлар - эшчәнлекнең барлык өлкәләрендә дә уңышлы кешеләр: гаилә булсынмы ул, карьерамы. Барысы да - талантлы, күпкырлы һәм искиткеч ачык, үзләренең эшлекле сыйфатларын, иҗади потенциалын уңышлы гамәлгә ашыручы һәм гражданлык инициативаларында актив катнашучы шәхесләр. Зәй муниципаль районыннан 8 кеше түбәндәге номинацияләрдә катнашты: «Хатын-кыз – лидер» - Венера Степанова, «Хатын-кыз –әни» - Йолдыз Красовская, «Ир-ат – лидер» - Сергей Хватков, «Хатын-кыз - мәдәният һәм рухият» - Гүзәлия Гатина, «Хатын-кыз - ел үрнәге» - Мария Петрякова, «Өченче яшь герое» - Рузилә Нефедова, «Һөнәрем -минем язмышым» - Мария Аргунова, «Хатын-кыз - Бизнес-леди» - Елена Гайнетдинова. Зона этабы нәтиҗәләре буенча барлык конкурсантлар үз номинацияләрендә җиңүче булды. «Һәр район бик лаеклы вәкилләр белән таныштырды. Конкурс бик яхшы шартларда узды. Алга таба барлык материаллар Казанда каралачак. Безнең конкурсантлар анда да узар дип уйлыйм. Гомуми нәтиҗә мартта ясалачак. Уңышлар телим!», - дип уртаклашты шәһәр хатын-кызлар советы рәисе Роза Гатауллина. Әлеге конкурс Татарстан Республикасы Рәисе ярдәме белән уза. Инициатор һәм оештыручы - «Татарстан хатын-кызлары» региональ иҗтимагый оешмасы.