Зәй мәктәпләре укучылары-татар теле буенча республика олимпиадасы йомгаклау этабы призерлары

2024 елның 26-28 гыйнварында Татарстан Республикасы Мәгариф һәм фән министрлыгы «Республика олимпиада үзәге»нең «Дуслык» сәламәтләндерү – белем бирү комплексы базасында Татарстан Республикасы гомуми белем бирү оешмаларының 4-11 сыйныф укучылары өчен рус телендә укытыла торган мәктәпләрнең татар төркемнәре укучылары арасында туган (татар) теле буенча республика укучылар олимпиадасының йомгаклау этабы уздырылды. Олимпиадада катнашу нәтиҗәләре буенча призерлар: 1нче мәктәпнең 7нче сыйныф укучысы Кондратьева Анна, 2нче мәктәпнең 5нче сыйныф укучысы Солтанова Камилә, 4нче мәктәпнең 6нчы сыйныф укучысы Фартдинова Риана, 6нчы мәктәпнең 10нчы сыйныф укучысы Абрамова Кристина. Республика олимпиадасының йомгаклау этабы призерларын әзерләгән татар теле укытучылары: Хәйретдинова Лениза Әүхәдиевна, 1нче мәктәп, Зәбурдаева Раушания Риф кызы, 2нче мәктәп, Мөхәммәтшина Венера Фәретдин кызы, 4нче мәктәп, Васильева Ирина Ивановна, 6нчы мәктәп.