Кадердә җирле үзидарә органнары җитәкчеләренең быелга соңгы семинары узды
Бүген Кадер авыл җирлегендә Зәй районының җирле үзидарә органнары җитәкчеләренең быелга соңгы семинары узды. Семинарда катнашучылар «Федотово» мәдәният йортында, Кадер авылының ветеринария пунктында, Цыгановларның савым сыерлары фермасында, «Юлдаш» кибетендә булдылар. Аннары Кадер мәктәбендә күргәзмәләр, музей, агросыйныф, ә актлар залында "Кызыл алмалар" дип аталган мәктәп укучыларының театральләштерелгән тамашасын карадылар. Аннары авыл җирлегенең административ бинасында һәм ФАПта булдылар. Семинарның пленар өлеше авыл мәдәният йортында узды, ул район башлыгы Разиф Кәримовның чыгышы белән башланып китте. 2024 елда районның авыл җирлекләре территориясендә планлаштырылган программалар белән район башкарма комитеты җитәкчесе Эмиль Галиев таныштырды. Авыл җирлекләре эшчәнлегенең 2023 елның 11 аендагы аерым күрсәткечләренә анализ район башкарма комитеты җитәкчесенең икътисадый үсеш буенча урынбасары Марат Хәбибуллин докладында яңгырады. 2023 елның 11 аенда Кадер авыл җирлеге җирле үзидарә органнары эше һәм калган чорга бурычлары турында Кадер авыл җирлеге башлыгы Людмила Барсукова сөйләде. Элек исәпкә алынган күчемсез милек объектларының хокук ияләрен ачыклау турында мөлкәти һәм җир мөнәсәбәтләре палатасы рәисе Рәис Шәйхиев хәбәр итте. Контроль сораулар буенча : янгынга каршы куркынычсызлык кагыйдәләрен үтәү турында 88 нче янгын-коткару бүлеге башлыгы Владимир Петров, авыл җирлекләрендә мобиль медицина комплексы эше, халыкны диспансерлаштырулар хакында табиб-акушер-гинеколог Ирина Исаева чыгыш ясады. Район җитәкчелегенең боерыклары семинар беркетмәсенә кертелде.