Татарстанда «Үзебезнекеләр турында кайгырту» республика программасын эшләтеп җибәрделәр
Бу программа Татарстан Республикасында махсус хәрби операциядә катнашучылар, аларның гаиләләре һәм якыннары өчен ярдәм чараларын алуны берләштерә һәм системага сала. Бу хакта бүген ТР Министрлар Кабинетында узган брифингта ТР Премьер-министры урынбасары Ләйлә Фазлыева хәбәр итте. Программа кысаларында республикада ярдәм чаралары турында бөтен мәгълүмат җыелган сайт һәм чат-бот эшли башлады. Фазлеева сүзләренчә, ресурс булдыру махсус операция катнашучылары һәм аларның гаилә әгъзаларының сорауларына җавап булды. "Бу бездән барлык чараларны республика программасына берләштерергә мөмкинлек бирә торган бердәм ресурс булдыруны таләп итте, ул пилот режимында эшли башлый. Пилот режимы без бүген тәкъдим ителә торган чаралар нәтиҗәләре буенча кире элемтә ала алсын өчен кирәк", - диде Ләйлә Фазлыева. Әлеге чаралар мөлкәти, финанс, матди яктан да булырга мөмкин. Сайтны эшләтеп җибәрү безгә махсус хәрби операциядә катнашучыларның барысын да тәэмин итәргә мөмкинлек бирәчәк. «Үзебезнекеләр турында кайгырту», Татарстан Республикасы Премьер-министры урынбасары билгеләп үткәнчә, бу ярдәм чараларының тулы исемлеге генә түгел, барлыкка килә торган сорауларны өйрәнергә, ярдәмгә мохтаҗ өстәмә категорияләрне ачыкларга мөмкинлек бирәчәк ресурс та. Шулай ук ресурс, ниндидер сәбәпләр аркасында махсус хәрби операциядә катнашучылар һәм аларның якыннарының дәүләт ярдәме алу белән кыенлыклары туса кире элемтә алырга да ярдәм итәргә мөмкин. Сораулар кайнар линия (117) белгечләре тарафыннан эшкәртеләчәк һәм мөрәҗәгатьләрне адреслы эшкәртү өчен министрлыклар, ведомстволар һәм администрацияләргә тапшырылачак. "Сайтта кая мөрәҗәгать итәргә, нинди документларны җыярга кирәклеген белергә мөмкин. Бөтен мәгълүмат Татарстан Республикасы министрлыклары һәм ведомстволары тутыру өчен әзерләнгән», - дип ачыклык кертте Фазлыева. Республика программасына ярдәм йөзеннән zabotasvo.tatar адресы буенча сайт ачылды. Ресурста ярдәм чаралары буенча гариза калдыру мөмкинлеге булдырылган. Телеграмда программаның чат-ботын @ Svoi_tatarstan_b адресы буенча табарга мөмкин.