Зәй делегациясе Казанда узган бәйрәм чараларында катнашты
Бүген «Казан Экспо» Халыкара күргәзмә үзәгендә «Безнең йорт - Татарстан» республика этномәдәни фестиваленең гала-концерты һәм Татарстан Республикасы Раисе Р.Н. Миңнеханов катнашында Милли мәдәниятләр һәм традицияләр елын ябу чарасы узды. Бәйрәм чараларында район башлыгы Р.Г. Кәримов җитәкчелегендә 24 кешелек делегация катнашты. Чара холлда лауреатларны һәм конкурсларда җиңүчеләрне бүләкләү тантанасыннан башланды. Авыл җирлекләре территорияләрендәге муниципаль мәдәният учреждениесенең иң яхшы хезмәткәре исеменә Түбән Биш авыл китапханәсе мөдире Кузнецова Лариса Николаевна ия булды һәм 50 000 сумлык акчалата сертификатка ия булды. «Иҗади кешеләр» проектын гамәлгә ашыру кысаларында, мәдәни-ял итү эшчәнлеге номинациясендә, иҗат коллективларының иң яхшы проекты җиңүчесе – “Энергетик” мәдәният йорты булды һәм “Пой, русская душа” проектын гамәлгә ашыру өчен 200 000 сумлык акчалата сертификат алды. «Татарстан Республикасының чигелгән картасы» республика акциясе йомгаклары буенча, Татарстан Республикасы мәдәният министрының Рәхмәт хатлары белән Вәлиәхмәтова Наталья, Әхмәтҗанова Энҗе, Кузьмина Лилия һәм Хрипунова Екатерина бүләкләнделәр. Бәйрәмнең кульминациясе ТР муниципаль берәмлекләре арасында «Татарстанның мәдәни башкаласы» конкурсына йомгак ясау булды. Мәдәният үсешенә зур өлеш керткән өчен, мәдәният министрының Мактау грамотасы белән мәдәният идарәсе җитәкчесе Әлфия Вәлиуллина, район мәдәният идарәсе җитәкчесе Гүзәлия Гатина, үзәкләштерелгән китапханә системасы директоры Сәрия Батршина, «Зәй балалар музыка мәктәбе» муниципаль бюджет мәгариф учреждениесе директоры Динә Коронова бүләкләнделәр. Гала-концертта Татарстан районнарында җиде зональ турда узган милли иҗади коллективлар чыгыш ясады. «Татарстанның мәдәни башкаласы» конкурсы кысаларында,Зәй районы үзенең уникаль мәдәни иҗат җимешләрен тәкъдир итте. Гала-концертка “Энергетик” мәдәният йортының вокаль ансамбле Злато чыгышы сайлап алынды.