Яшь армиячеләр маскировка челтәре үрә

Зәй шәһәре 2 нче мәктәбенең яшь армиячеләре отряды тәрбия буенча киңәшче Г.Г. Идиятуллина белән берлектә СВОда катнашучылар өчен маскировка челтәрләре үрүдә катнашты. Мондый челтәрләр хәрбиләргә дошман күзеннән техника, инженер корылмалары һәм сугышчыларның яшеренү урыннарын капларга ярдәм итәчәк. Маскировка челтәрләре бүген - иң үтемле материал, өстәвенә ул бик тиз туза һәм бозыла. Үзәк цехта СВО зонасыннан кыска вакытлы ялга кайткан хәрби хезмәткәр булды. Ул безнең солдатлар өчен маскировка челтәрләре җитештерүче осталарга рәхмәт белдерде, аларның алдынгы сызыктагы сугышчыларның гомерләрен коткаруын ассызыклады. Берәүләр челтәр алып килә, икенчеләре тасмалар кисә, өченчеләре бәйли, һәм танкларны капларлык маскировка челтәре килеп чыга. Яшь патриотларның бу әле беренче эшләре, әмма көчләре һәм тукыма тагын берничәгә челтәргә җитәчәк. Зәй үзәк цехы маскировка челтәрләре үрүгә үз өлешен кертергә теләүчеләрне берләштерә, барысы бергә Россия солдатларының җиңүен якынайта.