Балалы гаиләләргә сыйфатлы ярдәм күрсәтү максатларында...

Зәй районында профилактикалау субъектларының нәтиҗәле эшләвен тәэмин итү максатларында, гадәттәгечә, елга ике тапкыр «Радость» халыкка һәм балаларга социаль хезмәт күрсәтү комплекслы үзәге хезмәткәрләре тарафыннан «СОПда булган гаиләләрне һәм балаларны исәпкә алу һәм мониторинглау» автоматлаштырылган системасы темасы буенча укыту семинар-практикумнары үткәрелә. Мәгълүмат системасында эшләү буенча чираттагы уку семинары 1 ноябрьдә «Аерым фәннәрне тирәнтен өйрәтүче 7 нче урта мәктәп» муниципаль бюджет мәгариф учреждениесе базасында оештырылды. Семинарда шәһәр һәм район мәктәпләре һәм балалар бакчалары вәкилләре, МСРК әгъзалары, район профилактикасының төрле субъектлары вәкилләре, авыл җирлекләре башлыклары катнашты. Уку барышында система кулланучылары чираттагы тапкыр мәгълүмат системасы структурасы, мәгълүмати үзара эш итү регламенты һәм базага мәгълүмат кертү критерийлары белән таныштылар. Чара барышында системада профилактика субъектлары вәкилләренең типик кимчелекләре һәм җитешсезлекләре анализланды, аларны бетерү буенча тәкъдимнәр бирелде. Семинар азагында катнашучыларны мәгълүмати системада гаиләләрне ачыклау өлешендә эшне активлаштырырга һәм социаль куркыныч хәлдәге гаиләләрне реабилитацияләү буенча индивидуаль программалар чараларын үтәүне 100%ка җиткерергә чакырдылар.