Зәй мәктәпләрендә психологик - педагогик сыйныфлар ачылды

27 октябрьдә Зәй муниципаль районы Кече фәннәр академиясе базасында 2023/24 уку елында рәсми рәвештә психологик - педагогик сыйныфлар ачуга багышланган чара узды. Чарада педагогик хезмәт ветераны Халикова Линуза Зиевна, «Яр Чаллы дәүләт педагогия университеты»ның психологик-педагогик һәм махсус-дефектологик белем бирү кафедрасы педагогик фәннәр кандидаты Рахматуллина Ләйлә Вәгыйзь кызы hәм Гумерова Мария Миннегали кызы катнашты. Актлар залында Зәй муниципаль районы мәктәпләренең узган уку елында беренче педагогик тәҗрибә алган, һөнәри педагогик күнекмәләргә ия булган һәм әле бу юлдан барырга һәм үз өстенлекләрен исбатларга тиешле укучылар җыелды. Мәгариф идарәсенең мәгълүмати-методик бүлеге башлыгы Вәлиәхмәтова Миләүшә Камил кызы укучыларны яңа белем бирү баскычы башлану белән котлады. Укучыларга сәламләү сүзе белән педагогик хезмәт ветераны Халикова Л. З. мөрәҗәгать итте. Сыйныф җитәкчеләренә һәм педагоглар һөнәрен сайлаган укучыларга тантаналы шартларда аерым билгеләр тапшырдылар. Тантаналы багышлау тәмамланганнан соң укучылар модераторлар тарафыннан оештырылган тренингларга таралдылар