Югары Баграж авылында иске Троица чиркәүен торгызу эшләре башлана

19 апрельдә Югары Баграж авылында район башлыгы Разиф Кәримов, Татарстан Республикасының мәдәни мирас объектларын саклау комитеты рәисе Иван Гущин, Әлмәт һәм Бөгелмә епискобы Мефодий фатихасы белән иске Троица чиркәүен торгызу эшләрен башлау турында карар кабул ителде. Зәй районы Югары Баграж авылында агач Троица чиркәве XIX гасырда төзелгән, ябылудан соң бина озак еллар авыл клубы буларак кулланылган. Бу чиркәүгә 136 ел. Ул мәдәни мирас объектларын реконструкцияләү программасына кертелгән. "Безнең районда төрле милләт, дин вәкилләре тату яши. Без бу чиркәүне Югары Багражда торгызуны күптән планлаштыра идек. Мөмкинлек тугач, без бу үтенечне Иван Николаевич Гущинга тапшырдык. Чиркәүне реконструкцияләүне Татарстан Республикасы Раис е Рөстәм Нургали улы Миңнеханов хуплады. Бүген Мефодийның фатихасы белән төзекләндерү эшләренә старт бирәбез», - диде үзенең биргән әңгәмәсендә район башлыгы. Үз чиратында, Владыка Мефодий бу эшнең башлангычында торган район башлыгы Разиф Гали улына һәм Татарстанның мәдәни мирас объектларын саклау комитеты рәисе Иван Гущинга зур рәхмәтләрен белдерде. Мефодий үзенең чыгышын "Чиркәү халыкны үз янына чакырып, туры юл күрсәтеп торсын », -дигән теләкләр белән тәмамлады.