“Педагоглар аллеясе”

2023 елның 13 апреле, пәнҗешәмбе

2023 ел Россиядә Педагоглар һәм остазлар елы дип игълан ителде. Шуңа күрә, әлеге “Без укытучылар аллеясе утыртабыз” акциясе кысаларында утыртылган аллея “Педагоглар аллеясе” дип йөртеләчәк. Ринат Фәрдиев исемендәге ял паркының 2 нче чиратында укытучылар каен агачлары утыртты. Агач утыртуда шәһәр мәктәпләреннән 200 гә якын укытучы һәм укучы катнашты, аллеягә беренче каен агачын утыртучы  район мәгариф идарәсе башлыгы Эрнст Сәфәргалиев булды.