«Планета ярдәм сорый!»

«Җирне коткарыйк» - экологик квест-уены «Күкчәчәк» балалар бакчасының мәктәпкә әзерлек төркемнәре балалары өчен оештырылды. Педагоглар чүп-чарны аерым җыюның мөһимлеге турында сөйләделәр. Чүп – чарны аерым контейнерларга - «кәгазь», «пластик», «металл» га урнаштырып, балалар махсус заводларда көнкүреш чүп-чарларының эшкәртелүен, аннан кешеләр кабат куллана торган яңа әйберләр ясалуын белделәр. Чара мәктәпкәчә яшьтәге балаларның тирә–юньгә кызыксынуын уятуга, табигатькә эмоциональ-позитив, сакчыл мөнәсәбәт тәрбияләүгә ярдәм итте.