Зәй районы аграрийлары язгы кыр эшләренә әзерлек алып баралар

Бүген район башлыгы, авыл хуҗалыгы идарәсе, зоовет һәм агрофирма белгечләре катнашында районның авыл хуҗалыгы бүлекчәләрендә булды. Сәфәр барышында терлекчелек эшләренең торышы, тракторларны һәм авыл хуҗалыгы машиналарын ремонтлау барышы, шулай ук җитештерү комплексларында минераль ашламалар саклау белән таныштылар. Бүгенге көндә район аграрийлары 1 гектар чәчү мәйданына 106 килограммнан артык тәэсир итүче матдәләр туплаган. Минераль ашламалар туплау буенча лидерлар булып «Зәй шикәре» агрофирмасы ҖЧҖ - (гектарга 126 кг.) , «Зәй» агрофирмасы ҖЧҖ - (гектарга 114 кг.) тора. шулай ук Нива, Дурт-Мунча, Куш-Елга, Чыбыклы сөт комплексларында һәм фермаларында терлекләрнең кышлау барышы тикшерелде. Сөт-товар комплексларында уртача тәүлеклек савымны арттыру буенча планлы эш алып барыла. Лидер булып Дурт-Мунча комплексы тора, анда савым 14,5 тонна тәшкил итә, бу 1 баш сыерга 20,7 кг туры килә, аннан соң Куш-Елга, Чыбыклы, Нива комплекслары килә, анда 1 сыерга савым 17 кг.нан артык, район буенча 18,2 кг. тәшкил итә. Техниканы ремонтлау барлык авыл хуҗалыгы бүлекчәләрендә юл картасы буенча алып барыла. Бу көнне механик остаханәләр машина-трактор парклары да тикшерелде. Барлык бүлекчәләрдә дә агрофирмалар белгечләре һәм механизаторлары авыл хуҗалыгы машиналарын агрегатлаштыруга һәм комплектлауга керештеләр. Тракторларны Дәүләт техник тикшерүенә әзерләү бара. Район башлыгы Кәримов Разиф Гали улы техниканың язгы кыр эшләренә әзерлек эшләрен 1 апрельгә төгәлләү бурычын куйды.