Р.Ш. Фәрдиев исемендәге паркта «Кышкы волейбол» узды

2023 елның 4 гыйнвары, чәршәмбе

3 гыйнварда Р.Ш. Фәрдиев исемендәге паркта «Кышкы волейбол» узды. Спорт чарасында 4 команда катнашты, нәтиҗәләр буенча 1 урынны «Мегаполис», 2 урынны Сәвәләй, 3 урынны «МИТ», 4 урынны "Шәхси эшмәкәр Гатауллин" командасы алды. Волейбол Зәйдә популяр спорт төре санала, әмма быел кышын ачык һавада беренче тапкыр үткәрелде. Ярышны спорт сөючеләр ярдәмендә физик культура, спорт һәм туризм идарәсенең әйдәп баручы белгече Смирнов Валерий оештырды. Катнашучылар мәйданчыкны үз куллары белән чистарттылар, уеннан спорт чыныгуы һәм яхшы кәеф алдылар.