Зәй делегациясе ТР Муниципаль берәмлекләр Советының 17 нче съезды эшендә катнашты
Бүген Зәй делегациясе район башлыгы Р.Г. Кәримов җитәкчелегендә Татарстан Республикасы муниципаль берәмлекләр Советының XVII съезды эшендә катнашты. Съезд Татарстан Республикасы Президенты Рөстәм Миңнеханов катнашында «Корстон» да узды. Зәй делегациясе составында район һәм шәһәр башкарма комитетлары җитәкчеләре Э.Э. Галиев, П.В. Тимаськов, шәһәр Башкарма комитеты җитәкчесе урынбасары О. В. Федоткина, 22 нче авыл җирлеге башлыгы һәм «Центральное» ("Үзәк") территориаль иҗтимагый җирле үзидарә рәисе Н. Ф. Жәләева бар иде. Съезд башланганчы район башлыгы Разиф Кәримов ел саен үткәрелә торган хәйрия акциясендә катнашты һәм Яңа ел чыршысыннан ике открытка алды. Ассоциация рәисе Әгъзам Гобәйдуллин көн тәртибе кысаларында Татарстан Республикасы муниципаль берәмлекләр Советы эше турында хисап тотты. Съезда шулай ук дәүләт һәм муниципаль хакимиятнең үзара хезмәттәшлеге, федераль һәм республика программаларын гамәлгә ашыру мәсьәләләре каралды. Билгеләнгән проблемалардан чыгып, республика дәүләт хакимияте органнары һәм җирле үзидарә органнары белән бергәләп хәл итү өчен өстенлекле бурычлар билгеләнде. «Татарстан Республикасы муниципаль берәмлекләр Советы» Ассоциациясенең XVII съезды кысаларында, безнең районның Александр Бистәсе һәм Дурт-Мунча авыл җирлекләре яңа автомобильләр алды. Төги авыл җирлеге башлыгы Попова Татьяна Васильевна «Татарстан Республикасында җирле үзидарәне үстерүдәге казанышлары өчен» медале белән бүләкләнде, аны Татарстан Республикасы Президенты Рөстәм Миңнеханов тапшырды.