Район башлыгы хәйрия акциясендә катнашты

Бүген район башлыгы Р. Г. Кәримов «Язылу бүләк ит!» хәйрия акциясендә катнашты. Разиф Гали улы «Новый Зай» һәм «Зәй офыклары» район газеталарының иң актив язылучыларының берсе булып тора һәм һәр ярты ел саен үзенең шәхси үрнәге белән җитәкчеләрне подписка бүләк итәргә чакыра. - Зәйлеләрнең тормышын район газеталарыннан башка күз алдына да китереп булмый. Зәй хәбәрчеләре шәһәр һәм район үсешенең төрле тармакларында дөрес, оператив мәгълүмат туплый. Мин үзем газетаны күптәннән укыйм, ә әни исән чагында аның өчен Минзәлә районына яздыра идем, ул аны күршеләре белән бергә укыды. «Яңа Зәй» һәм «Зәй офыклары» газеталары минем Тукай районындагы якыннарыма да яхшы таныш , - диде ул. Шулай ук Разиф Гали улы газета битләрендә вакыйгалар турында гына түгел, шәһәр һәм районның кызыклы кешеләре турында да бик күп мәгълүмат булуын билгеләп үтте. Район башлыгы үрнәгендә зәйлеләр мобилизацияләнгән гаиләләргә һәм мөмкинлекләре чикле кешеләр гаиләләре өчен газетага язылу бүләк итте. Акцияне район башлыгы урынбасары Петр Уразайкин, район башкарма комитеты җитәкчесе Эмиль Галиев, шәһәр һәм район Советлары депутатлары, авыл җирлекләре башлыклары, идарә һәм төрле хезмәтләр башлыклары хуплап чыкты. Барлыгы 50гә якын данә район газетасына язылдылар.