Зәйдә йөзү буенча ачык тренировка узды

Бүген Зәй сусаклагычы яры буенда йөзү буенча ачык тренировка оештырылды. Әлеге чара «Демография» милли проекты максатларына ирешүгә - халыкны физик культура һәм спорт белән даими шөгыльләнүгә җәлеп итүгә, сәламәт яшәү рәвешен пропагандалауга юнәлдерелгән. Чараны «Зәй» спорт мәктәбе оештырды. Чараның максаты-халыкны йөзү белән шөгыльләнүгә җәлеп итү. Тәҗрибәле тренер Стерехов Александр Сергеевич җитәкчелегендә спорт мәктәбендә тәрбияләнүчеләр «коры җирдә” да гомумфизик күнегүләр комплексын һәм йөзү техникасын үзләштерү, аны суда камилләштерү өчен махсус күнегүләр ясадылар. Барлык теләүчеләр дә тренировкага кушыла алды. "Йөзү-кеше сәламәтлеге өчен зур файда китерә, сулыш һәм йөрәк-кан тамырлары системаларына уңай тәэсир итә, иммунитетны ныгыта торган спорт төре. Ә саф һавада күнегүләр-ул һәрвакыт уңай энергия заряды. Балалар йөзгәндә өлкәннәр күзәтүе астында гына булырга тиеш. «Зәй» спорт мәктәбе тренерлары елның теләсә кайсы вакытында «Старт» спорт-сәламәтләндерү комплексы бассейнында балаларны һәм өлкәннәрне йөзәргә өйрәтергә әзер", - дип шәрехләде Александр Сергеевич. Йөзү-ул физик сәламәтлекне һәм тәнне формада сакларга ярдәм итә, психик сәламәтлеккә яхшы тәэсир итә, шулай ук суда бәхетсезлек очракларын профилактикалауга ярдәм итә торган бик яхшы спорт төре.