Зәйдә район җитәкчелегенең хезмәт коллективлары һәм халык белән очрашулары башланды

Район башлыгы Р.Г. Кәримовның беренче очрашуы бүген Зәй ГРЭСында электростанциянең хезмәт коллективы белән узды. Разиф Галиевич шәһәрнең иң эре предприятиеләренең берсе хезмәткәрләрен районның 2022 елның беренче яртыеллыгында социаль-икътисади үсеш нәтиҗәләре белән таныштырды, район территориясендә муниципаль, республика һәм федераль программаларны тормышка ашыру буенча башкарылган эшләр турында сөйләде. Ул үз чыгышында ГРЭС коллективының шәһәр тормышында мөһим роль уйнавын, район өчен социаль әһәмияткә ия булган проектларда катнашуын билгеләп үтте, энергетикларга җайга салынган эшләре һәм шәһәрнең иҗтимагый тормышында актив катнашулары өчен рәхмәт белдерде. Район башлыгы хезмәт коллективына һәм электростанция җитәкчелегенә сәламәтлек, уңышлы һәм тотрыклы эш теләде. Шулай ук бүген район башлыгы 4 нче урта мәктәп базасында үткән «Воздвиженка», 35 квартал, Кармалка, «Үзәк» микрорайоннарында яшәүчеләр белән очрашты, «Зәй район дәүләт ветеринария берләшмәсе» ДБУда, Аксар һәм Югары Шепкә авыл җирлекләрендә авыл халкы һәм хезмәткәрләре белән очрашуда район башлыгы урынбасары Уразайкин Петр Сергеевич булды.