Зәй яшьләре сәламәт яшәү рәвеше яклы

10 августта “Без сәламәт яшәү рәвеше яклы!” дигән чара узды. Шундый девиз астында Зәй сусаклагычы яр буенда кичке тренировка булды. Табигать көчләренең физик күнегүләрне куллану эффектын көчәйтүе фәнни исбатланган факт. Димәк, саф һавада күнегүләрдән файда шактый күбрәк булачак. Организм әйләнә-тирә мохит үзгәрешләренә яхшырак җайлашачак, ә бу кешенең оптималь тормыш эшчәнлеген тәэмин итү өчен мөһим. Шуңа күрә безнең тренерлар һәм инструкторлар үз дәресләрен саф һавада үткәрергә тырыша. Теләгән һәркемгә күнегүләр комплексы һәм күнегүләр өчен берничә киңәш тәкъдим ителде, алар ярдәмендә үзеңне формада җиңел тотып була. Чараны Зәй-2 Яшьләр үзәге белгечләре оештырды.