Зәй спортчылары -каратэ киокусинкай буенча республика ярышлары җиңүчеләре

10 майда Базарлы Матакта каратэ киокусинкай буенча Бөек Ватан сугышында Җиңүнең 77 еллыгына багышланган «Җиңү Кубогы» традицион республика ярышлары булып узды. Ярышларда Татарстан Республикасы, Башкортстан һәм Ульяновск шәһәрләреннән 300гә якын спортчы катнашты. Зәй шәһәрен тренерлар Алексей һәм Владимир Ревиннарның шәкертләре тәкъдим итте. Зәй командасы икенче состав белән чыгыш ясады. Барлык ярышлар да югары спорт дәрәҗәсендә узды. Яшь көрәшчеләр югары әзерлек дәрәҗәсен күрсәттеләр. Үз категорияләрендә Ревин Егор, Камалиева Амелия, Ихинданова Өмукурсум, Агапова Элиза, Камалиев Раил, Семенов Артем, Комиссаров Алексей җиңеп чыктылар. Көмеш медальләрне Москова София, Маракин Артем, Вәлишин Айрат, Соловьев Данил яулады. Ишмөхәммәтов Тимур, Селиверстов Радаль, Ларионов Кирилл, Ашрапова Екатерина бронза призерлары булдылар. Спортчыларны һәм тренерларны республика дәрәҗәсендәге ярышларда чираттагы җиңүләре белән котлыйбыз.