Үзмәшгуль Луиза Мартемьянованың уңыш тарихы

Узган ел Луиза Җәмил кызы Зәй шәһәре халыкны эш белән тәэмин итү үзәге ярдәме белән «Кече һәм урта эшмәкәрлек һәм шәхси эшмәкәрлек инициативасына ярдәм» илкүләм проекты буенча үз эшен үстерүгә финанс чаралары алып, үзмәшгульләр сафына керә. Эшсез калган Мартемьянова туры килә торган эш эзләү максатыннан мәшгульлек үзәгенә мөрәҗәгать иткән. Белеме буенча Луиза Җәмил кызы технолог. «Гаилә бәхете, балаларны тәрбияләү, тотрыклы керем һәм үз эшеңне үстерү-уртак хыял иде. Һәм бу хыял дәүләт ярдәменең гамәлдәге формалары ярдәмендә тормышка ашырылды", - дип уртаклаша Мартемьянова. Аның бизнес-проекты үзмәшгуль буларак 2021 елның сентябрендә старт алды. «Кече һәм урта эшкуарлык һәм шәхси эшмәкәрлек инициативасына ярдәм итү" илкүләм проекты буенча үз эшен үстерүгә бирелгән финанс чараларына кухня техникасы (тестомес, тарак шкафы, мич) сатып алынды. Бүгенге көндә Луиза Җәмил кызы заказга төрле икмәк-күмәч әйберләре (бәлеш, гөбәдия, пироглар һәм башка өй камыр ризыклары) әзерли. Шулай ук Перцовка авылы халкын икмәк белән тәэмин итә, аның тәмен күп кенә җирле халык лаеклы бәяләгән.