Үзәк китапханәдә «Хатын-кыз һәм сугыш» дип исемләнгән чара узды

6 майда С. Рәфыйков исемендәге үзәк китапханәдә Бөек Җиңүнең 77 еллыгын бәйрәм итү кысаларында «Хатын-кыз һәм сугыш» дип исемләнгән чара узды. Чара кичәге мәктәп укучыларының олы тормыш турындагы хыяллары һәм планнары белән башланып китә... һәм кинәт бөтен тыныч тормыш җимерелә. “Сугыш” дигән куркыныч сүз кичәге мәктәп укучыларының бөтен хыял – өметләрен чәлпәрәмә китерә. Алар разведчиклар, элемтәчеләр, снайперлар, шәфкать туташлары, очучылар була. Аларның иңнәренә күтәрә алмаслык авырлыклар ята. Сугышта катнашкан шагыйрә Юлия Дружинина бу авырлыклар хакында ишетеп кенә белми. Аның иҗатының барлык темалары һәркемгә якын: сугыш, бурыч, ант, намус, мәхәббәт… Аның «Зинка» дип исемләнгән сәхнәләштерелгән шигырен кичә кунаклары тын да алмый карады. Әмма кичәнең төп аккорды булып улларын сугыш кырына озаткан хатын-кыз темасы яңгырады. Бу хатын- кызлар батырлыклар да кылмадылар, окопларда туңмадылар, танкларда янмадылар, әмма алар иң югары дәрәҗәләргә лаек. Алар иң куркыныч сынау елларында Ватан алдындагы бурычларын үтәделәр: үз улларын һәм кызларын сугыш кырларына озаттылар.