Зәйдә паркларны талпаннарга каршы эшкәртәчәкләр

2012 елның 30 апрелендә «Татарстан Республикасында (Татарстан) гигиена һәм эпидемиология үзәге» федераль бюджет сәламәтлек саклау учреждениесенең Әлмәт филиалы белгечләре Зәй шәһәре: Рәфыйков урамы, Р.Ш. Фәрдиев исемендәге һәм Мирный бистәсе парк территорияләрендә аккрицидлы (талпаннарга каршы) эшкәртү үткәрәчәк. Шәһәр халкыннан бу көннәрдә паркта йөрүдән тыелып торуларын, барган очракта җирдән берни дә күтәрмәүләрен сорыйлар. Паркка булганнан соң кулларны җентекләп юарга һәм антисептик белән эшкәртергә кирәк.