«Җирне чүпләү килешми!» акциясе

Планетабыз - безнең уртак йортыбыз, һәр кеше аның байлыгын саклап, аңа сакчыл карарга тиеш. Хәзерге вакытта табигатьнең кеше тарафыннан пычратылуы мәсьәләсе кискен тора. Һәм аны комплекслы рәвештә хәл итәргә кирәк: чүп эшкәртүнең яңа технологияләрен эзләү юлы белән генә түгел, экологик тәрбия ярдәмендә дә. «Кояшкай» балалар бакчасында мәктәпкә әзерлек төркемендә "Чүп-чар Җиргә килешми!" дип исемләнгән акция узды. «Остазлар, нәкъ менә тәрбиячеләр, әлеге акция кысаларында балаларга табигатьне ничек сакларга: урманны, җәмәгать урыннарын чүпләмәскә, үзеңнең чүбеңне махсус билгеләнгән урыннарга ташларга кирәклеге турында сөйләделәр.