Ясалма интеллект темасына «Саннар дәресе» тематик чарасы

26 нчы апрель көнне «Р.Ш. Фәрдиев исемендәге татар гимназиясендә», 10-11 нче сыйныф укучылары өчен, «Ясалма интеллект» темасына «Саннар дәресе» үткәрелде. Дәресне Татарстан Республикасының мәдәни мирас объектларын саклау буенча комитеты рәисе урынбасары Марсель Вәлиуллин үткәрде. Чарада шулай ук мәгариф идарәсе башлыгы Сәфәргалиев Эрнст Рәис улы, районы Башкарма комитетының икътисад бүлеге башлыгы Марат Хәбибуллин һәм татар гимназиясе директоры Рафаил Хәсәншин катнашты.