"Гвардия" эзләү отряды "Хәтер вахта"сында катнашу өчен Волгоград өлкәсенә кузгалды

23 апрельдә 29 кешедән торган "Гвардия" эзләү отряды Волгоград өлкәсенең Городище районына экспедициягә кузгалды. Бу отрядның 1942 елда каты сугышлар узган урынга инде 15 нче тапкыр чыгуы, һәм бу юлны өч йөздән артык эзләүче үткән. Сәламләү һәм үгет-нәсихәт сүзләре белән башкарма комитет җитәкчесенең социаль мәсьәләләр буенча урынбасары Регина Николаевна Камалова, хәрби комиссариатның хәрби хезмәткә әзерләү һәм чакыру бүлеге башлыгы Гурьянов Александр Юрьевич, “Гвардия” эзләү отряды җитәкчесе Виктор Михайлович Никифоров, “Форпост” директоры Алексей Васильевич Алексеев чыгыш ясадылар. Эзләү отряды эшендә иң мөһиме - һәлак булганнарның исемнәрен ачыклау, туганнары белән элемтәгә керү һәм барлык хәрби хөрмәтләр белән Ватаныбыз геройлары калдыкларын җиргә иңдерү. “Гвардия” эзләү отряды 2012 елда район башкарма комитетының яшьләр эшләре идарәсе һәм “Ватан” иҗтимагый республика оешмасы каршында төзелде. Шул вакыт эчендә Зәй отряды 200 дән артык сугышчыны күтәрде, шулай ук тарихи артефактлар: снарядлар, винтовкалар, пулеметлар һәм башкалар табылды. Барлык табылдыклар да районыбызның хәрби әзерлеге үзәгендә урнашкан музейга урнаштырылды.