«Халыкара җир көне» күмәк кисеп ябыштыру буенча белем эшчәнлеге

Барлык илләрдә дә 22 апрельдә Җир көнен билгеләп үтәләр. Бу чиста Су, Җир һәм Һава бәйрәме. Табигатьне кечкенәдән үк ярата, аның матурлыгын тоя, күрә белгән кеше беркайчан да каты бәгырьле була алмый. Бары тик әхлаклы, намуслы, чын кеше була ала. Бүген «Алтынчәч» балалар бакчасында тәрбияләнүчеләр белән шәфкатьле, миһербанлы, мәрхәмәтле, кешелекле булырга, табигатьне яратырга кирәклеге турында сөйләштек. Куанып хозурда йөргәндә Карурман куенына кергәндә, Беркемнең каргышын алма син, Күбәләк тә елап калмасын... Сак бул син, сабыем, сак бул син, Саклый күр табигать баласын. Онытма, туган җир бер генә, Кадерләрен аның бел генә... Дәвала аның һәр ярасын, Син бит соң,табигать баласы! (Р. Вәлиева)