«Эко-викторина»

19 нчы апрель көнне Зәй шәһәренең 9 нчы мәктәбендә экологик аңны һәм фикерләүне, экологик культура, әйләнә-тирәлеккә сак карашны үстерү максатыннан 4 нче сыйныфта «Табигатьтә куркынычсызлык чаралары» дигән темага викторина үткәрелде. Сораулар һәм биремнәр әйләнә-тирә дөнья турында күбрәк белергә, хайваннар турында күбрәк укырга кызыксыну уята. Сыйныф сәгате дәвамында укучылар «Экологик даталар һәм бәйрәмнәр», «Сорау-җавап», «Урманда экологик билгеләр», «Мәкаль төзе», «Өй аптечкасы», «Табышмакларга җавап бир» конкурсларында катнаштылар.