“Су – яшәү чыганагы” проектын презентацияләү

“Александр Бистәсе төп гомуми белем мәктәбе” муниципаль бюджет учреждениесендә 19 апрельдә “Экояз” чаралары кысаларында 8 сыйныф укучылары “Су – яшәү чыганагы” исемле проектларын тәкъдим иттеләр. Бу проектта 5-9 сыйныф укучылары катнашачак. Проект кысаларында суны сакларга кирәклеге турында аңлату эшләре, Александр Бистәсе сулыкларының ярларында санитар чистарту эш чаралары алып барылачак.