Космоска очу

13 апрель көнне "Дуслык" яшьләр үзәгендә яшьләр белән эшләү буенча белгечләр Космонавтика көненә багышланган "Космоска очыш" күңел ачу-интерактив квестын уздырдылар. 1961 елның 12 апрелендә Җир орбитасына дөньядагы беренче кеше белән иярчен космос корабын чыгаралар. Шуннан бирле бу көн Россиядә Космонавтика көне буларак билгеләп үтелә, ә дөньяда – Халыкара кешенең космоска очу көне. СССР Югары Советы Президиумының 1962 елның 9 апрелендәге Указы белән космоска кешенең беренче очышы хөрмәтенә Космонавтика көне - бүген дә зурлап билгеләп үтелә торган бәйрәм расланды. Чара азагында балаларны гадәти булмаган сюрприз көтә иде. Җирдән күтәрелми генә дә күк йөзендә очып йөрергә һәм болытлар өстендә ятып торырга мөмкин. Катнашучылар йомшак ялтыравык фольга өемендә чын авырлыксызлык тойдылар.