Космонавтика көне

12 апрель көнне Зәй муниципаль районының «Радость» халыкка социаль хезмәт күрсәтү комплекслы үзәге базасында Космонавтика көненә багышланган «Космик сәяхәт» дигән социаль-анимацион чара узды. Чарада катнашучылар «Восток» һәм «Союз» командаларына бүленде. Көндезге бүлек психологы Тамара Анатольевна Чуфырина тәрбияләнүчеләргә әлеге бәйрәмнең килеп чыгу тарихы һәм бу датаның бөтен кешелек өчен әһәмияте турында сөйләде. Конкурс программасы берничә этаптан торды. Социаль хезмәт алучылар зур кызыксыну белән ярышларда катнаштылар, җиңәргә һәм команданы сынатмаска тырыштылар. Барлык конкурслардан соң жюри нәтиҗәләр чыгарды һәм нәтиҗәләр игълан итте. Баллар суммасы буенча «дуслык» җиңде. Чара ахырында социаль хезмәт алучылар Җир планетасы орбитасында булып, 1961 елның 9 мартында Зәй районының Токмак авылыннан ерак түгел төшкән Чернушка кушаматлы эткә куелган һәйкәлне карадылар. 2011 елның 27 декабрендә Зәй шәһәрендә әлеге батыр эткә һәйкәл куелды. Чернушка һәйкәле янында бүлектә тәрбияләнүчеләргә 1975 елда «Байконур» космодромында хәрби хезмәт үткән Шайдуллин Альберт белән аралашырга насыйп булды. Ул «Байконур» да хезмәт итү турындагы хис-кичерешләре белән уртаклашты, космонавтлар турында сөйләде. Үзе белән космонавтлар Титов, Николаев һәм башка бик күпләрнең автографлары куелган хәрби билеты да бар иде. Бу көн социаль хезмәт алучылар хәтерендә озак сакланыр.