Зәйдә Бөтендөнья туган тел көне билгеләп үтелде

Бүген районыбызда Бөтендөнья туган тел көненә багышланган чаралар узды. Мәктәп укучылары һәм укытучылар “Адымнар” татар мәдәнияты клубы белән берлектә үзәк мәйданда бәйрәм концерты оештырдылар. Мәкаль һәм табышмак яратучылар “Халык авыз иҗаты белгечләре” конкурсында катнаштылар, укучылар рус һәм татар телләрендә шигырьләр сөйләделәр, блиц-сорауларга җавап бирделәр. “Адымнар” татар мәдәнияты клубы татар, чуваш, керәшен җырларын башкарды. Шулай ук бүген “Мин татарча сөйләшәм” акциясе дә старт алды. Укучылар тамашачыларга сүзлекләр һәм башка кулланма әсбаплар тараттылар. Беркем дә бәйрәмгә битараф булып калмады, чөнки үз теленә битараф булган кеше юк.