Зәйдә егетләр һәм кызлар арасында ирекле көрәш буенча Татарстан Республикасы беренчелеге уза

2022 елның 14 гыйнвары, җомга
Бүген Зәй шәһәренең «Старт» спорт-сәламәтләндерү комплексында 18 яшькә кадәрге егетләр һәм кызлар арасында ирекле көрәш буенча Татарстан Республикасы беренчелеге уза. Ярышларда Татарстан Республикасының 13 муниципаль районыннан һәм шәһәрләреннән: Әлмәт, Алексеевск, Саба, Биектау, Алабуга, Зәй, Мамадыш, Менделеевск, Түбән Кама, Яр Чаллы, Тәтеш, Тукай, Казан шәһәрләреннән 180 спортчы катнаша. Ачылу тантанасында Зәй муниципаль районы башлыгы Разиф Гали улы Кәримов, Татарстан Республикасының спорт көрәше федерациясенең беренче вице-президенты Ленар Ислам улы Гаянов, Зәй муниципаль районының «Зәй» спорт мәктәбе директоры Илзирә Габделбәр кызы Тимеркәева катнашты. Ачылу тантанасы кысаларында бүләкләр тапшырылды. Зәй спортчысы Илназ Латыйповка күкрәк билгесе һәм «Ирекле көрәш буенча Россиянең спорт мастеры» таныклыгы, «Зәй» спорт мәктәбе тәрбияләнүчеләре Полина Колесова һәм Камил Извековка таныклыклар һәм 1 спорт разрядындагы күкрәк билгеләре тапшырылды. Татарстан Республикасы спорт көрәше федерациясенең Рәхмәт хатлары белән район башлыгы Разиф Гали улы Кәримов, Зәй районы Физик культура, спорт һәм туризм идарәсенең әйдәп баручы белгече Александра Владимировна Родионова, «Зәй» спорт мәктәбе директоры Илзирә Габделбәр кызы Тимеркәева, «Зәй» спорт мәктәбенең ирекле көрәш буенча тренеры Рамил Равил улы Салихов бүләкләнделәр.
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International