Зәйдә юл хәрәкәте иминлеген тәэмин итү буенча комиссия утырышы булды

29 ноябрьдә хакимиятнең зур залында район Башкарма комитеты җитәкчесе Эмиль Галиев рәислегендә юл хәрәкәте иминлеген тәэмин итү буенча комиссия утырышы булды. Көн тәртибендә түбәндәге мәсьәләләр каралды: Зәй муниципаль районында 2021 елның 10 ае йомгаклары буенча юллардагы хәлләр һәм аварияләр турында Россия Эчке эшләр министрлыгының Зәй районы буенча ЮХИДИ бүлеге башлыгы Рамил Гарифуллин чыгышы тыңланды; Зәй шәһәрендә һәм Зәй районында 2021-2022 елларның кышкы чорында юлларны карап тоту эшләренең барышы, транспорт чаралары белән идарә итүгә машина йөртүчеләрне кертүне контрольдә тотуны оештыру турында «Татнефтедор» ҖЧҖенең Зәй автомобиль юллары идарәсе башлыгы Александр Ганске һәм «Благострой» ҖЧҖ директоры Р.Р. Зәйнуллин чыгыш ясады; мәгариф оешмаларында юл хәрәкәте иминлеген тәэмин итү буенча эшләнгән эшләр һәм 2022 елга планнар буенча "Юл куркынычсызлыгы" фонды Зәй филиалы башлыгы Вадим Иванов чыгыш ясады, профилактика чаралары турында 2 нче мәктәп директоры урынбасары Е.Н. Красильникова һәм «Урман әкияте» балалар бакчасы мөдире С.А. Миронова сөйләделәр. 2021 елның 10 ае нәтиҗәләре буенча Зәй районы территориясендә 324 юл-транспорт һәлакәте теркәлгән, аларның 25ендә кешеләр зыян күргән, 6 кеше һәлак булган һәм 29ы яраланган. Нәтиҗә ясап, Эмиль Галеев утырышта катнашучыларны юл-транспорт һәлакәтләрен кисәтү буенча нәтиҗәле эшләргә чакырды. Юл хәрәкәте иминлеген тәэмин итү буенча эшне дәвам итәргә кирәк, дип билгеләп үтте. Уңай нәтиҗәләргә ирешү өчен районның барлык структураларына бергәләп эш итәргә кирәк: балалар бакчасыннан башлап юл хәрәкәте кагыйдәләрен өйрәтү, мәктәпкәчә, мәктәп яшендәге балалар белән профилактик эш алып бару, ата-аналар белән хезмәттәшлекне активлаштыру, автоюлларның торышын контрольдә тоту, авария-куркыныч участоклар аерым игътибар үзәгендә булырга тиеш. Шулай ук юл оешмалары җитәкчеләре өчен төп бурычларның берсе-кышкы чорда юлларны карап тотуны контрольдә тоту. Сыйфатлы юллар-ул иминлек һәм уңайлылык нигезе.